KHOONI SHEESHA (BLOODY MIRROR) Iss kahani k sabhi patra aur ghatnaye kalpnik hai. Inka vastvik jivan se koi sambandh nahi hai.
SHRI GANESHAY NAMAH
Ye kahani bahut hi majedar aur romanch se bhari hai. Asha hai aapko ye kahani pasand aayegi.
Chaliye main aapko iss kahani me liye chalta hoon.Panch dost apni apni intermediate ki pariksha dekar ghar pe bor ho rahe the. In panch doston k naam hai VIKKY , RUDRA, RAJ, VAISHALI, AMRITA. Ye sabhi bahut hi acchhe aur ek dusre pe bharosa karne wale dost the.
Vikky rudra se kehta hai yar ghar pe baithe baithe bahut hi bor ho rahe hai kyun na kahi bahar ghoomne chale idea kaisa hai. Rudra bhai idea to bahut achha hai ek baar sabhi ko call karke sabhi se mil kar koi plan banate hai.
sham ko rudra apne ghar pe sabhi ko bulata hai . sabhi dost Mumbai me rahte the . to shabhi sham ko rudra ke ghar pe mile. rudra.. vikky se bhai sabhi log aagai hai ab batai sabhi ko plan bataye…ha jaroor amrita ne pooncha kya baat hai . vikky maine aur rudra ne soncha ki hum sabhi k exam to khatma ho gaye hai to kyun hum kahi bahar ghoomne chale.. vaishali ne kaha wow bahut hi achha idea soncha hai.
raj ne kaha to ye baat hai bahut hi achha soncha sabhi ne . Amrita ne kaha kahi pas me chalte hai na apna Mumbai bhi to bahut achha hai . raj jor jor se hansne laga aur bola isko dekho Mumbai me to hum sabhi ka janma hua hai.. isme kya ghoomna yaha to hum kabhi bhi ja sakte hai.
Vaishali ne raj se kaha .. tumne sahi kaha raj Mumbai me hum sabhi janme hai yaha to kabhi bhi ghoom sakte hai. Vikky are yar amrita to vaise bhi bahut darti hai .. kyun pareshan ho hum sab log hai na…
Rudra lekin yar ek problem hogi mummy papa nahi manenge hum log kaise ghoomne jainge ..ha ye to sonchne wali baat hai… aisa sabhi sonchte hai to achanak se vaishani kyun na sab log ye jhoot bole ki hamare friend ki sister ki shadi hai to usne hum sabko invite kiya hai…ha ye sahi rahega sabhi ne kaha …raj ne kaha sahi hai iss jhoot ko koi nahi pakad sakta hai..
Amrita ne sabhi se darte darte poonchaa par hum sab jayenge kaha pe ..sab jor se hansne lage sabne kaha ye hui baat hamari amrita me ab dar khatma dikh raha hai.
Vikky yar koi aisi romanchkari jagah jante hai jissse ye vocation bahut hi yaad gar rahe …vaishali sahi baat bole ho ….rudra ne kaha kyun na ham sabhi uttar Pradesh ghoom ne chale …vikky ne kaha uttar Pradesh me kaha pe…rudra ne kaha agra tajmahal dekhne… Raj ne kaha nahi yar kahi aur vaishali ne kaha jhanshi chale vikky ne kaha nahi yar kuchh samaj nahi aa raha hai kaha ghoomne chale..Raj ne kaha ki sabhi ne kuchh na kuchh bataya hai lekin amrita tum bhi kuchh batao ki hum sabhi kaha ghoomne chale…amrita ne kaha nahi yar tum hi dekho main to tum logo k shath bas chal dungi…sabhi ne kaha ab jaha k liye amrita bataigi wahi chalenge…amrita please batao na yar please okey okey amrita ne kaha …agra chalte hai wahi pe bahut si purane kile aur maqbare bane hue hai achha vocation ho jayga…amrita k itna kehte hi light chali jati hai ..andhera ho jata hai..
Vikky sabhi doston se bahut hi ashcharya ki baat hai ki hum log Mumbai me hai yaha to kabhi bhi light jati nahi lekin aaj achanak kaise light chali gai..Rudra ne kaha koi baat nahi yar itna kya sonchna light hi to hai aati jati hai hai…rudra ne fir darwaja khola to achanak se ek kali billy ghar se bahar nikali to rudra ne soncha ki iss billy ko to aajtak kabhi ghar me to dekha nahi fir kaise ….rudra ne isspe bhi dhyan nahi diya fir light aajati hai… raj ne sabhi se kaha kyun na hum Tuesday ko morning me nikle. sabhi doston ne kaha ye theek hai…5 july ki date final karte hai…vaishali ne kaha okey done. Amrita ne kaha okey vikky aur raj bhi okey done kehkar chale gaye .
Ab sabhi apne parents se baat karte hai lekin kisi ke parents bhi jane ki permission nahi dete hai.. fir bachho ka man dekhte hue sabhi k parents permission dedete hai … sabhi ne apne apne parents se ye jhoot bola ki agra me unke dost ki behen ki shadi hai…sabhi dost khush ho jate hai ab hum vocation pe jayenge..
Koi ye nahi janta tha ki ye koi vocation nahi balki katil shishe ka bulawa hai jo sabhi doston ko bula raha tha.
Amrita ek bahut hi saaf man ki ladki aur wo bhagwan , ishwar pe bahut vishwash karti thi. Usne kala jadu jaisi bajut baten apne nani k ghar k paas hoti hui dekhi thi. Issi wajah se uske najar lagna bahut aam baat hua karti .uski nani ne use bachpan ma durga ka locket aur lal kapne me bhi kuchh baandh kar amrita k dahine hanth k bajoo me baandh diya . tabhi se amrita usko hamehsa bandhe rahti thi.. lekin baki sabhi doston k pass koi aisa nahi tha wo log in sab banton pe kisi tarah ka koi vishwash nahi karte the..
5 july ki tarikh aur mangal war ka din aaya vikky k papa ne vikky ko apni car apne driver ko le jane ko kaha vikky ne kaha okey papa . usi pe sabhi ne apne apna saman rakkha ..tabhi amrita tum kaha ja rahi ho amrita kehti ruko main aati hoon amrita ki maa ka dil jor jor se dhadkne laga aur boli beti na ja amrita boli ma aapka ashirwad aur devi ma ka ashirwad hai darne ki koi baat nahi hai maa. Amrita ne devi ma ki photo ko liya aur car me baithti hai. fir sabhi rudra k ghar me pahunch kar rudra ko lene aate hai tabhi jaise hi rudra apne ghar se nikal kar jane lagta hai tabhi uske samne se fir kali billy aati hai jise dekh kar sabhi ghabra jate hai rudra ki maa beta aaj na ja kal chale jana kyun tune dekha kali billy ka samne panda shubh nahi hota hai..amrita ne kaha sahi baat hai kyun nan kal chalte hai..
Vaishali ne kaha kya yar kya boring baten hai..rudra tu chal yar hum log late ho rahe hai….rudra ma ye sab bekar ki baanten hai aap pareshan na ho hum log aapse baat karte rahenge….rudra ki maan na kaha ki theek hai beta jab tumhari yahi marzi hai to yahi sahi …..jao sai baba tum logo ki raksha kare…
Sabhi log nikal padte hai …usi sham ko khana khane k liye wo sabhi car se utar kar hotel jate hai. hotel me khana khate hai aur fir car me baith jate car kuchh dur jakar band ho jati hai sabhi log car se bahar aajate hai vaishali poonchti hai driver ye kaunsi jagah hai driver ne kaha maidom abhi kuchh bata nahi sakta kyun ki yaha andhera bahut hai..rudra ne kaha dekhe time kitna hua to dekha raat k 12:20 minute hua tha …driver vikky se vikky baba aap andar rahiye main dekhta hoon , vikky raj se… yar car kharab ho gai shyam(driver) kaka mechanic ko dekhne gaye hai.
Raj theek chalo thodi der so jate hai….fir sab log so rahe the thabhi rudra jor jor se chillane chillane laga bachao mujhe help me … sabhi log uth jate hai…aur sabhi rudra se poonchne lage per rudra darte hue kanpne lage itne me vaishali aur raj bole rudra kyun dar rahe ho jaroor tumne koi bura sapna dekha hoga so ja…thodi der baad shyam kaka apne sath mechanic ko leke aate hai. Vaishali ne rudra se kaha ye mechanic kaise dikh raha dekho iski ankho me jaise khoon ho itni lal hai.. vikky ne kaha are yar ho sakta hai uski aankho me koi problem hogi apne ko kya matlab hai. Fir car repair ho jati hai car chalne lagti hai. Agle din ki sham ko sabhi agra pahunchte hai aur waha hotel me rukte hai…
fir agle din ki subah ho sabhi tajmahal ghoomte hai agra ka kila aur waha ke maqbare ko dekte aur bahut enjoy karte hai. Sabhi waha bahut achchha samay bitate hai.. amrita wow yar hamne nahi soncha tha ki itna maja aaiga.. ab sham hone lagi to vo sabhi hotel k liye nikle vikky, rudra , raj, vaishali, amrita sabhi ne ek dusre se salah li ki ab ghar k liye niklana chahiye sabhi na kaha theek hai…vaise bhi agra hum sabhi ko bahut achchha laga.. vikky ne shyam kaka se kaha …kaka ab ghar chale shyam kaka ne kaka vikky baba iss samay raant k 12 baje hai kal subah chalte hai….vikky nahi kaka papa se bahut dant padegi agar kal sham tak Mumbai nahi pahunche to …..shyam ne kaha theek hai beta jaisi tumhari marji… amrita vikky kaka sahi kehrahe hai itni raant me jana sahi nahi hai…vikky are yar be wajah darti ho…rudra sahi kaha chalo chalte hai…sabhi log car me baith ke Mumbai k liye nikle.
Vikky kakase .. highway se nahi andar se chaliye jaldi se pahunchenge shyam kaka per beta andar ke raste me bahut andhera hai aur bahut jangal hai. fir….100 km gadi jane k baad shyam kaka vikky se kehte hai .beta ab main gadi nahi chala paunga kyun ki achanak se meri tabiyat gharab ho rahi hai. itna kehte hi shyam kaka behosh hogaye sabhi kaka se utho kaka utho…rudra vikky se bhai tumhe andar k raste se aane ki kya jaroorat thi .. sabhi ne vikky se kaha …vikky are yar main nahi janta tha ki aisa kuchh ho jaiga.. ab sabhi waha kisi jagah thaharne k liye jagah dekh rahe the par waha door door tak koi nahi dikh raha tha… amrita aur vaishali bahut darne lagi …raj bhai ab ham kaha jaye kuchh samajh nahi aaraha hai…tabhi waha ek aadmi aaya usne pooncha kya baat hai.. vikky ne kaka uncle mere kaka ki tabiyat bahut kharab ho gai hai hame aaj ki rat thaharne ki jagah mil sakti hai usne ..tum pareshan na ho thodi door pe ek chhota sa hotel hai tum waha pe ruk sakte ho …dhanyawad uncle vikky ne kaha …vikky ne poonchha ..uncle ye kaun si jagah hai…uncle ne bataya beta ..ye dev vardhan ki nagri sidharth nagar hai..sabne bola sidharth nagar hai..uncle ha beta …vikky bola chalo sabhi hotel chalte hai..tabhi jor jor se haway chalne lagi …badal garazne lage…aur bahut tez barish bhi hone lagi …lekin fir bhi sabhi log waha ke hotel me pahunche…tabhi dekhte hai ki hotel me light hi nahi hai…
rudra manager se sir light kyun nahi generator chalu kijiye… manager generator kharab hai aap fikra mat kariye light abhi aa jaigi… vaishali amrita se mujhe bahut dar lag raha hai.. amrita dar to mujhe bhi lag raha hai per ham sabko ek dushre ke sath rahna hai… shyam kaka ko vikky , rudra, raj ke kamre me leta diya gaya aur vaishali , amrita alag kamre me the.
Badal ki garzna se raj bhi dar raha tha aur bizli ke chamakne pe ek azeeb sa dar sabhi ko mahsoosh ho raha tha . vaishali amrita se ye mombatti ko bujhne mat dena jalti rehne dena..amrita vaishali se tum daro nahi bhagwan hamare sath hai..tum pareshan mat ho ….barish tham jati hai lekin light abhi bhi nahi thi fir bhi jis kamre me vaishali aur amrita so rahai waha ek azeeb si roshni dikhrahi tahi.. tabhi amrita ne kamre ki khidki khol di jisse thodi thodi thandi hawa aane lagi.. aur kuchh door dekhti hai ki ek mehal bahut hi khoobsurat , shandar tarah se saja hua hai ..aur bahut tez roshni hai ..amrita ko apni aankho pe vishwash nahi ho raha tha ki yaha door door tak andhera hai per waha mehal me itni roshni ye dekhna bahut hi ashcharya tha .
amrita ne apne mobile me time dekha to raant k 2 baje the aur mobile ki battry khatma hone wali thi…fir kuchh der baad kamre me light aajati hai aur sabhi so jate hai.
Subah hote hi vikky shyam kaka se.. kaka ab kaisa lag raha hai. Shyam vikky se beta ab pehle se achchha mehsoos kar raha hoon…amrita , vaishali , raj, rudra sabhi log uthe ab ghar vapshi ki taiyari karne lage ..tabhi amrita maneger se aap ke hotel me light nahi thi ye hame samajh aata aur door door tak bhi light nahi thi ye bhi ham samajh sakte hai…. lekin wo kuchh door aage jo mehal hai waha itni roshni kaise thi…manager dar gaya… man hi man soncha … lagta hai isne bhi dekh liya hai us mehal ko..vaishali , raj, rudra ,vikky manager se kaun sa mehel chalo hame bhi dikhao dekhe… amrita usko usi kamre me legai jaha pe kal rat me so rahi thi.. jaise hi amrita ne khidki kholi to use wo mehal ek khandahar me dikha sabhi log jor jor se hansne lage aur bole amrita tum to mazak bhi achha kar leti ho… amrita ne bola main sach keh rahi hoon tumko jana ho to jao Mumbai… per ab main iss gutthi ko suljha kar jaungi… sabhi ne samjhaya amrita ko lekin amrita nahi mani aur waha rukhi ..apne dost ko akela dekh kar sabhi log waha ruk gaye.
Sabhi ne raant hone ka intjar kiya raant k 2baje …amrita ne himmat dikhate hue sabhi ko uthaya sabhi dost uthe aur khidki se us nazare ko dekha to sabhi ki aankhe khuli ki khuli ki rehgai. Amrita samajh gai kuchh to galat ho raha hai..sabhi doston ne waha jana ka plan banaya lekin amrita ne samjhaya waha jana kisi khatre se khali nahi hai… rudra ne kaha nahi ab main bhi jaunga.
sabhi log hotel k security aur manager se bachte hue mehel k najdeek pahunche …fir dheere se mehal ke andar pahunche …aur chhup chhup kar wah pe aane wale sabhi raja aur mantriyun ko dekh rahe the …utne me vaishali ne kaha ye sabhi drama company wale hai aur tum kuchh aur hi samajh rahi thi amrita.. amrita ne kaha apna muh band karo aur shanti se dekho …rudra ne kaha main koi sapna to nahi dekh raha hoon.aaj ke samay me bhi raja ,maharaja, mahal , ye ratna, abhooshan ye sabhi to maine tv serial me dekha hai real life me to pehli bar dekh raha hoon ..
rudra ne ne kaha doston yaha aane se pehle car kharab ho gai thi aur hum sab car me so rahe the ..tabhi jo sapne mujhe aaya tha wo yahi sapna tha …rudra ki iss baat se vikky , raj aur vaishali sabhi hansne lage aur bole kya fekta rehta …..kuchh bhi bologe ham kaise maan le tum sach keh rahe ho ya jhooth..vaishali ne kaha ye sabhi drama company wale hi hai…main abhi proof kar sakti hoon….vaishali ne kaha abhi main poonch kar aati hoon..amrita na turant vaishali ko rok diya aur bola yaha se sabhi chalo ..pakde gay to sabhi ki jan jaigi.. rudra ne kaha yar meri baat mano aur chalo kyun jo maine sapne me dekha hai usme ham sabhi buri tarah se fanse se issiliye keh raha hoon chalo…rudra k mana karne k bawjood raj, vikky, aur vaishali teen dost mehel k main gate me jaise hi jate hai..turant waha andhera ho jata hai.. sabhi dar k mare bhagne lagte hai…per waha madat k liye koi nahi hota hai…amrita aur rudra ye dekh kar bahut dar jate hai aur waha andar jane se darte hai….
rudra amrita se ab hame bhi jana hoga nahi to hamare doston ki jaan khatre me pad jaigi..amrita rudra se tum sahi kehte ho lekin hame subah hone ka intjaar karna hoga tabhi ham kuchh kar sakte hai..idhar vikky , raj, vaishali rote hue kash ki hamne amrita aur rudra ki baat maan li hoti to hum yaha na fanste….ab hum kaisi yaha se nikle.. aapas me baat kar hi rahe the ..ki tabhi unhe…mehal me ajeeb ajeeb si aawaje aati hai .
wo teeno…ek kamre me jakar chhupne ki koshish karne lage…tabhi un teeno doston k samne ek bahut jyada tez roshni hoti hai……aur wo teeno ek sheese k andar chale chate hai…us sheese ke andar wo teen kisi se bachne ki koshish karte hai.. jaise koi un teeno ko marna chahta ho.. vikky dekhta hai ek sundar si rahi uske samne aati aur usko jan se marne ki koshish karti hai…udhar vaishali aur raj ke peeche ek sena pati hota hai jo unko marna chahta hai…ye seen dekh kar vaishali aur raj soonch me ped jate hai ki ye sab kya ho raha hai…rani vikky se kehti hai murkh tuchhe yaha nahi aana chahiye tha ab tub hi marega…vikky rani se aap kaun hai aur kyun mujhe aur mere doston ko marna chahti hai …rani ne kaha agar tu chahta hai tu aur tere sathi yaha se jinda wapas jaye to mera tucche ek kaam karna hoga …vikky ne kaha kaisa kaam rani ne kaha tu meri aatma ko mukt kar de to main tere sathiyun ko bhi mukt kar doongi ….
vikky ne kaha main kaise aap ko mukt kar sakta hoon ..rani ne kaha wo sab main nahi janti tumhare paas poora ek din aur ek raat hai..apne aapko aur apne sathiyun ko bacha sakte ho to bacha lo…vikky bebas aur lachar ho kar sheese ke andar se mehal k charo taraf se rani ki aatma ko mukt karne k liye koi saboot talashne lagta hai…vikky sonchta hai kuchh na kuchh to hoga jisse rani ki aatma ko mukt kiya ja sakta hai …fir kuch der baad vikky ko ek baksa dikhai deta hai lekin vikky sheese me band hone ke karan us bakse ko chhu bhi nahi sakta tha…idhar rudra aur amrita dono rote hue hotel ki taraf jate hai aur apne doston ke saath hui ghatna ko yaad karke rote hue so jate hai…..
subah 4:00 baje mandir ki ghanti sunai deti hai. Tabhi amrita ghanti k awaz sunkar jag jati hai aur dost rudra ko jagati hai..amrita rudra se kya tumne bhi mandir ki ghanti ki awaz suni hai..rudra amrita se …ha maine bhi suni chalo dekhte hai.. aur phir wo log usi mandir ko dhundne lagte hai.rudra amrita se kehta hai.. wo mandir yahi aas paas hona chahiye …amrita kehti hai… ha mandir yahi pe kahi hona chaniya…..awaz yahi se aa rahi thi..tabhi unko shiv ji mandir milta wo dono mandir me jate hai aur pujari ji se raat ko hui sari ghatna batate hai….pujari ji kehte hai beti tum logo ko waha nahi jana chahiye tha wo koi satharan mahal nahi hai wo ek mayawi mahel hai…wo raja dev verdhan ka mehal hai….amrita aur rudra ne pujari ji se poonchha ki iss ghatna ka kya karan hai…pujari ji ne kaha …. maine bhi yaha ke bare me suna hai aur jyada to nahi janta hoon…tumhari madat sirf ek hi aadmi kar sakta hai wo hai….baba gopalacharya… amrita aur rudra ne pooncha ki baba kaha milenge hame unke paas le chaliye hamare sabhi dost bahut badi musibat mai fans gaye hai… pujari un amrita, rudra ko lekar baba gopalacharya k ek ashram me jate hai…..
us ashram ko dekh kar amrita aur rudra ko bahut hi ajeeb lagta hai ki …aaj k shamay me bhi ashram hai..ashram dekha to dono ke man ko bahut sukun aur shanti ka anubhav hua ……ab pujari ji baba gopalacharya se baba…. ye bachche bahut musibat hai kripya inki madat kijiye…..baba ne bachcho ki taraf dekha aur kaha ki mujhe maloon hai ki inki kya pareshani hai… amrita aur aurdra ashcharya me the ki baba ko kaise maloon ki hamari pareshani kya hai….tabhi baba ne bataya tumhe kya lagta hai ki tumhara yaha ghoomne aana sirf ek itfaak tha …nahi tum yaha aaye nahi yaha bulaye gai ho….amrita ne poonchha kaise baba ….fir baba ne bataya ki jab tum sabhi apne ghar me ghoomne ki baat kar rahe tabhi do baar kali billi ne aakar ishara kiya …ki waha khatra hai waha mat jao…lekin tum bhool wash yaha aa gae….
baba ne fir kaha jab tum aa rahe the tabhi tumhare driver ki halat bahut gharab ho gai thi…..ye sab itfaak nahi tha tum sabhi ye mehal apni taraf bula raha tha…..rudra baba se….baba jo galti hui wo anjane me hui iske liye hame maaf kardijiye.…amrita ne poonchha baba baat kya hai…mehal aisa kyun hua aur kaise……baba ne bataya…ye bahut poorani baat hai…..bahut salon pehle yaha dev verdhan naam k ek raja the unki riyasat shiddarth gargh thi… jo ab siddarth nagar ban gai hai…dev verdhan bahut hi ache raja the aur bahut dayalu bhi the unki patni indravati thi ….indravati shiv ji bahut badi bhakt usne apni tapashya se shiv ji prasann kiya tab shiv ji ne usse uski ichchha poonchi tab indravati ne bata ki prabhu ek aisa darpan (sheesa) do jiske darshan matra se mere pati ke paas aane wali har vipatti door ho jai…mere pariwar bahut hi khushhal rahe .. hamare dhan aishwarya kabhi na khatma ho….aur mere pati jis bhi yudh me jai use awashya jite.. shiv ne ashirwad diya aur kaha ye sabh kuchh hoga….
Fir indravati se.. shiv ji ne kaha ..ek baat ka dhyan rahe indravati.. ye darpan koi sadharan darpan nahi hai….iss liye ek baat ka dhyan rahe ki kabhi ye darpan apavitra na ho …..jaise ki isme kabhi bhi tumhare pati dev verdhan ka khoon na lage nahi to ye darpan ek deviy shakti rakchhash shakti me badal jaiga aur isse har amawasya k din isko kisi aisi jagah pe rakhna jisse iske upar amavashya ki halki si bhi roshni na jay aur koi bhi us din isme apne aap ko na dekhe….indravati ne kaha prabhu main aapke dwara batai gai in sabhi baton ka awasya dhyan rakhungi….issi wajah se raja dev verdhan ki kirti badti hi chali gai……is kirti se raja ka sena pati Chandra singh bahut jalta aur wo kisi bhi tarah raja ki virashat aur raja ki rani indravati ko apna banana chahta tha kyun uski gandi najar indravati pe thi…ek din amawasya ki rat thi…. usi raat nagar me kisi jagah aag lag gai…wo aag lagna koi hadsa nahi balki raja ko uske mahal se bahar nikalne ke liye sena pati Chandra singh ka bichhaya gaya maya jaal tha ….
uska nirikchhan karne raja apne mantriyun ke saath jate hai…tabhi rani unko tilak lagana bhool jati. .raja jab bhi kahi bahar jate to apni rani ke hantho se tilak jaroor karwate the… apne pati ki suraksha k liye rani bhagwan se prarthna karti hai aur kehti hai ki bhagwan mere pati ki raksha karna….usi samay sena pati Chandra singh mehal me rani ko akela pakar unki ijjat lutne ka prayas karne lagata hai.
Rani indravati shastra kala me nipurn hone k karan rani bahut der tak Chandra singh se yudh karti rahi …udhar raja ko mehal me hone wali is ghatna ki suchna koi sainik deta hai… raj dev verdhan jald se jald mehal ki taraf jate hai..mehal pahuchte hi rani ke kamre ki taraf jate hai to….rani ki jor jor se chillane ki awaz aane lagi bachao bachao….raja tezi se kamreka darwaza khola Chandra singh ki aisi harkat ko dekhkar raja ki aankho me khoon aa gaya aur aankhe lal liye chadra singh pe jor se war kiya….raja devverdhan ne kaha…. namak haram tera itna dussahash tune meri patni ke upar galat nigah dali… tabhi Chandra singh ne kaha …raja shahab chale jao yaha se indravati ko main hasil kar ke rahunga…indravati sirf meri hai…..raja ne kaha …maut tere sir pe khadi hai… raja nahi janta tha ki Chandra singh ki ye sab sajis thi jiski wajah se sabhi sena Chandra singh ki taraf ho gai thi aur raja bilkul akele pad gaye the….chandra singh aur raja me ladai hoti hai… jisme kai bar Chandra singh raja se har jata tha ….lekin jab raja aur Chandra singh me ladai ho rahi thi tabhi Chandra singh ke sar pe peechhe se ek sainik ne raja k talwar se war kiya…fir Chandra singh ne bhi talwar se war kiya jisse raja dev verdhan ke sharir se nikli hui khoon ke boonde us deviy shakti k sheese pe ja padti hai … wo raat amawasya ki raat thi… usi samay raja ki maut ho jati hai…. ab rani laachar hokar rone lagti hai aur rote hue raja ki talwar apne pet k aar paar kar leti hai…rani ki aatma nikal kar us sheese me chali jati hai..tabhi se wo seesa shrapit sheesa ho jata…
ab arpita aur rudra ne iss ghatna ko samjha lekin unke man apne donston ko bachane ke liye bahut se prashan the ki kaise donston ko bachaye..fir baba se rudra ne kaha baba mere sabhi donston ne jo galti ki unki taraf se main aapse maafi mangta hoon …koi upay bataiye …jor jor se rudra rone lagta hai…..rudra ko rota dekh baba bole tum pareshan na un sabhi ko main bacha loona ….
baba ne arpita se kaha beti tum shiv ji ke trishul lekar jao…aur rudra k hanth me ek raksha sutra ko bandh dete hai….raat hote hi baba gopalacharya ,arpita aur rudra teeno mehal me jate hai..mehal me jate hi ajeeb ajeeb si awaze aati hai. aisa lagta hai jaise koi ro rahi hai. Aur rote hue kehti hai bachao mujhe bachao mujhe.. bas issi tarah se awaze aati hai..baba kehte hai koi darna nahi tumhe koi aatma chhu bhi nahi payegi…achanak se mehal ke andar bahut tez ek roshni hoti hai..aur fir wahi drishya jaise baba ne rudra aur arpita ko raja ke marne ki ghatna batai thi ..wahi ghatna samne rudra aur arpita ko dikhai de rahi thi..tabhi us katil seese se vikky, vaishali, aur raj issara karti hai..ki ham yaha hai.. lekin rudra aur arpita unko nahi dekh pate lekin baba unko dekh lete hai…
fir ussi sheese se rani indravati ki aatma nikalti hai aur rudra ko dur fenkh deti hai..amrita baba se …apne to rudra ke hathon me raksha sutra bandha tha fir ye kaise hua…baba bhi sonch me pad gaye ki ye kaise ho sakta hai…tabhi rani ki aatma ne nikal kar baba ko bhi door fenk diya.baba jaha pe girte hai ussi jagah pe ek chhota sa baksa tha usi bakse ki taraf vikky baba ko ishara karta hai lekin sheese me band vikky bebas aur lachar hota hai ..tabhi baba us bakse ko khole to usme me ek purana sa patra tha jisme ohm namah shivay lika aur shiv ji photo thi jisme kuchh lika bhi tha. baba ne usse pad liye aur usko wahi fir se rakh diya.. Idhar amrita aur dar jati hai …
tabhi rani ki atma amrita ko bhi nuksan pahuchane ki koshish karti hai lekin wo amrita ko choo bhi nahi pati hai ye…drishya baba dekh rahe the wo samajh gai ki rani ki atma ko kewal amrita hi nukti dila sakti hai…baba ne amrita se kaha beti kewal tum hi ho jo ham sab ko rani ki atma ke iss kaher se bacha sakti ho..amrita ne pooncha wo kaise baba ….ab amrita k andar us aatma se ladne ki himmat aajati hai.baba amrita se kehte hai pehle to tumhe iss katil seese ko shiv ji trishul jor se war karna hoga…aur tumhare donsto ke nikalte hi iss sheese me raja dev verdhan ki tasweer ko dal dena …ye kam surya k uday hone se pehle aur ratri ke dusre pehar me karna hoga….ratri ka dusra pehar lagte hi shiv ji ke trishul se sheese me jor se war kiya tabhi vikky, vaishali, aur raj nikalte hai inke nikalte hi aur saath me na jane kitne varshon se mare gaye logo ki laashe aur kankal bhi us sheese ne nikal kar bahar aajate hai..raja dev verdhan ki tasweer usi sheese me fenk deti hai jisse rani indra wati ki aatma shant ho jati hai…
mehal me se nikalne wali awaze bhi shant ho jati hai…rani indrawati ki atma nikal ke samne aati hai aur amrita se kehti hai.tumhare bahut bahut dhanyawad beti meri aatma bahut hi pavitra thi lekin meri pati k marte hi main pratisodh lene ke liye tadapti rahi jisse maine kitne begunaaho ko mar diya ye sheesa apavitra ho gaya aur aur shiv ji ka ashirvad ek shrap me badal gaya aur ye sheesa khooni sheesa ban gaya.…na jane kitne varsh beet gaye mai apne pati se door thi.. lekin tumne mujhe aaj apne pati se mila diya tumhara bahut bahut shukriya… aaj se ye mehal bhi viran nahi rahega aur tum apne sabhi sathiyun k saath aazad ho..
rani indravati ne bataya maine chandra singh ko kab ka mardiya tha lekin Chandra singh ne maharaj dev verdhan ki asthiyun ko maharaj ki tasweer me chhupa diya tha jiske karan mere maharaj aur main dono ko mukti nahi mil rahi thi…tumne hi mujhe mere pati se milaya hai…amrita ne kaha nahi maharani ye jo maine kiya ye to mere farj tha …lekin iss me mujhe bahut dar bhi laga…sabhi ne maharani ko pranam kiya aur mehal se chale gaye…sabhi iss sidarth nagar ki ghatne ko dil me liye mumbai pahunche …sabhi ke mata pita bahut pareshan the ….sabhi ke mata ne pooncha ki kaise itne din ho gaye aur ye chont kaise lagi .. tabhi sabhi ne apne mata pita se beeti hui sari ghatna batai… ab se sabhi ke mata pita ne bachho ko akele kahi pe jane se mana kar diya ….vikky ke papa vikky se ye ghoom ka plan tumhara tha ab batao tumhe kuc hh ho jata to ham sab kaise jite batao …vikky ne papa se aur sabhi ke mata pita se sorry bola aur kaha ab kabhi bhi aise ham log kahi nahi jainge promish karte hai….
THE END
BY- NITIN KUMAR SINGH
| SN | NOTES |
| 1 | IMPORTANT TEST SERIES FOR ALL EXAMS |
| 2 | LIST OF ALL QUIZZES |
| 3 | IMPORTANT STATIC GK FOR ALL EXAMS |
| 4 | INTERESTING FACTS FOR ALL EXAMS |
| 5 | FREE SUBJECT WISE NOTES FOR ALL EXAM |
TELEGRAM GROUP LINK 1 – CLICK HERE